MARK MAGSAYO VS JORGE MATA CUELLAR | PHILIPPINES VS MEXICO

Maghanda na, mga kababayan! Sa darating na Hulyo 19, 2025, babalik sa entablado ang dating world champion na si Mark “Magnifico” Magsayo upang makipagbanggaan sa matigas na Mexicano na si Jorge Mata Cuellar. Ito ay para sa bakanteng WBC Continental Americas Super featherweight championship! gaganapin ang laban sa kilalang MGM Grand Garden Arena sa Las Vegas, at ito ay bahagi ng undercard sa pagbabalik ni Manny Pacquiao kontra kay Mario Barrios. Balik sa Spotlight si Magsayo Si Mark Magsayo, na may kartadang 27 panalo (18 sa knockout) at 2 talo, ay matagal nang kinikilalang isa sa mga pinaka-promising na boksingerong Pilipino. Dating hawak ang WBC featherweight title, si Magsayo ay kilala sa kanyang matitinding kombinasyon, bilis ng kamay, at pusong palaban. Ngunit tulad ng maraming kampyon, dumaan din siya sa mga pagsubok matapos mawalan ng sinturon at makaranas ng mga kabiguang nagtulak sa kanya para muling maghanda at magbalik. Ngayong Hulyo 19, layunin niyang patunayan na hindi pa tapos ang kanyang kwento sa mundo ng boksing. Sa ilalim ng isang malaking kaganapan, sa parehong gabi ng pagbabalik ni Manny Pacquiao, muling ipapakita ni Magsayo kung bakit siya tinaguriang “Magnifico.”